قصيده شعريه للشاعر عبد الامير الفتلاوي

اهديكم هذه الابيات للشاعر الفتلاوي الكبير المرحوم عبد الامير الفتلاوي

. في استنهاض صاحب الأمر (عج)
1. أريد استنهض الغايب على اظهوره من متى اتصل للغري رايته المنصورة
2. متى اتصل للغري و تجيل على الكوفه متى سيفك تسله او فعلك انشوفه
3. الك يا ابن الحسن كرات ما صوفه و الك عد آل اميه اديون مغدوره
4. الك مغدور تعلم جم دين ابدين الك والله الفخر جيف تغمضلك عين
5. بالطف واحد و سبعين غير احسين ليش ادمومهم لليوم مهدوره
6. مهدوره يبو صالح و لا تهتم او هلك خلصو جتل غير القو بالسم
7. او جسم احسين جدك غسلوه بالدم عاري او ذاري التربان كافوره
8. كافوره التراب او ظل ثلاثتيام و انته اشلون مغضى او لا تشد حزام
9. و انته شلون تنسه الغربت للشام مسبيه او لعد ايزيد ميسوره