الشاعر الكبير عباس الفتلاوي

استعرض الموضوع السابق استعرض الموضوع التالي اذهب الى الأسفل

GMT + 4 Hours الشاعر الكبير عباس الفتلاوي

مُساهمة من طرف زين العبادي في الجمعة أبريل 16, 2010 3:50 am


الشاعر الشعبي الكبير عباس الفتلاوي ...شاعر ملهم عاش في المشخاب مع سلف ال فتله وهو بالأصل من عشيرة كريط وقد عايش احداث هامه منذ الأربعينيات من القرن الماضي و قال جميع الوان الشعر الشعبي وله ايضا قصائد خالده في ال بيت رسول الله (ص) والمهم لدينا او ما نريد ايصاله انه عرف بقوة الاهزوجه (الهوسه ) الفراتيه وكان يقولها لسبب او حدث هام او جلل وله في تشييع الشخ عبد الواحد ال سكر رئيس عام ال فتله

الحظ الصار بوحيد ضل ورافكه للموت
اجه وياه من بغداد الكبره شايل التابوت
شرق وغرب عزاهه وينعاهه ويصيح بصوت
اسمع ياعراك انكلك واحد مات

وله ايضا في نفس المناسبه


يضل يبجي المجد طول الدهر ينعاك
مت ومات حظ فرعون كله وياك
ولمن واحد بعد يظهر واكول احياك
ويشيل الحمل الشلته وينهض بيه

وله ايضا ينتقد احد ابناء عم الشيخ عبدالواحد وهو المرحوم راهي ال شنته الفرعون يقول له

يبو عبد الحسن بالجذب تتباهون
واكو خطه لواحد ليهه ماتصلون
ابو راهي عليكم مثل نقطة نون
وحيد كله احتاطت بيه

وله ايضا في تشيع الشيخ فريق مزهر الفرعون

لون يرضه الوكت وياي بالتبديل
جنت افرش شليله شكثر حده يشيل
ولاياخذ الحيد اليرد عج الخيل
يخلي الذيل اللطعه تبين بيه

وله في اعدام راهي عبد الواحد الفرعون وتردد اسلاف ال فتله الثلاث وهي سلف المهناويه وسلف المشخاب وسلف الكوفه ترددها في اقامة تشيع له عام 1970

اكلكم يا الفتله اتهدم البنيان
سور العز عداكم وانمحى العنوان
ثلث اسلاف مصباح اصبحت نسوان
الجو يتغير باجر شتكولون

وله ايضا في تشيع الشخ صكبان ال عبادي شيخ ال فتله في محافظة الديوانيه / المهناويه قائلا

تاريخك يبو مهدي ابيض ماعليه جنزار
وماخليت للناقد مجان لدكة البسمار
لوما بالنجف اشرف لبنيلك كبر ينزار
بباب الحدبه وثلث اسلاف تطوف اعليه


وله يحقر احد العناوين المنافسين ل اسرة ال فرعون والذي يهرج دائما ويصيح ويشتكي منهم قائلا

دوخنه اصياحك والصريخ البيك
ضل نايم بجيحك محد موازيك
شما تنطر يضفدع حيتك تاتيك
اساه ركطانه تسيب اعليه

وله في ألأبوذيه القوي والمعبر ومنه


بالرسريس اعبر الجلج بالراي
بيوم الكون اجسر الرمح بالراي
انه مابيع عزة نفس بالراي
ولا ارجه الغانمه لو بالرديه

وله ايضا الطف ماقال في ألأهزوجه والذي ذهب مثلا للشعراء


أذا راحو اهل الجود والتقليد
ياعباس شعرك بعد بيش يفيد
تضل مثل اليبيع مهاف بجويريد
احسلك بطل شعرك بيش يفيد

توفاه الله سبحانه في حادث مروري عام 1982 الرحمه والمغفره لروح الشاعر عباس

زين العبادي
مبدع اول
مبدع اول


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى